ਟੁੱਟ ਗਈਆਂ ਯਾਰੀਆਂ ਤੇ ਛੁੱਟ ਗਏ ਪਿਆਰ
ਰਹਿ ਗਿਆ ਪੰਜਾਬ ਜਿਵੇਂ ਅਧਾ ਓਸ ਪਾਰ
ਖਾ ਲਿਆ ਹਨੇਰਿਆਂ ਨੇ ਚੋਦਵੀਂ ਦਾ ਚੰਨ ਓਹ
ਮੁੱਕਣਾ ਨੀਂ ਜੱਗ ਨਾਲ ਮਰਕੇ ਵੀ ਰੰਜ ਓਹ
ਬਣਕੇ ਮੈਂ ਰਹਿ ਗਿਆ ਹਾਂ ਕੰਡਿਆਂ ਦੀ ਵਾੜ
ਟੁੱਟ ਗਈਆਂ .... ..... ........ .... ...........
ਸੁੰਨੀਆਂ ਹਵੇਲੀਆਂ ਨੂ ਮਾਰੀਆਂ ਜਿਓਂ ਸੰਗਲਾਂ
ਨੈਣਾਂ ਦੇ ਚੁਬਾਰੇ ਸੁੰਨ ਦਿਲ ਦਾ ਇਹ ਜੰਗਲਾ
ਕੀਹਨੂ ਦੱਸ ਆਖ ਲਈਏ ਜੁਲਫਾਂ ਖਲਾਰ
ਟੁੱਟ ਗਈਆਂ ..... ........ ........ .......
ਸਾਉਣ ਦੀਆਂ ਝੜੀਆਂ 'ਚ ਚੁੰਨੀਆ ਨਚੋੜਦੀ
ਆਉਂਦੀ ਐ ਹਵਾਵਾਂ ਸੰਗ ਸੁਪਨੇ 'ਚ ਦੋੜ੍ਹਦੀ
ਵਗਦੀ ਜਿਓਂ ਨੀਵੀਂ ਥਾਂ ਤੇ ਨਦੀਆਂ ਦੀ ਧਾਰ
ਟੁੱਟ ਗਈਆਂ ..... ........ .......... ..........
'ਯਾਰਾਂ -ਮਸਤਾਨੇਆਂ ' ਦੀ ਜਿੰਦਗੀ 'ਚ ਕੀ ਏ
ਅਥਰੂ ਹੈ ਆਪ ਜੇਹੜਾ ਪੀੜ ਓਹਦੀ ਧੀ ਏ
ਹੋਣਾ ਲੇਖਾਂ ਵਿਚ ਲਿਖਿਆ ਏ ਖੱਜਲ -ਖੁਆਰ
ਟੁੱਟ ਗਈਆਂ ......... ........... .........
No comments:
Post a Comment