ਹਥਕੜੀਆਂ ਤਾਂ ਛਲੇ ਹੋ ਗਏ

ਜੋਬਨ -ਰੁੱਤੇ ਭਰੇ -ਭਰਾਏ

ਵੀ ਅਸੀਂ ਖਾਲੀ ਪੱਲੇ ਹੋ ਗਏ            

.

ਸ਼ਰੀਕ ਸੀ ਦੁਨੀਆਂ ਸਾਡੀ ਵੀ 

ਘੜੀ -ਪਲ "ਚ ਕੱਲੇ ਹੋ ਗਏ 

.

ਅਰਸ਼ ਦੇ ਪ੍ਰਤੀਬਿੰਬ  ਸਾਂ ਕਦੀ 

ਹੁਣ ਫਰਸ਼ ਦੇ ਥੱਲੇ ਹੋ ਗਏ 

.

ਮਾੜੇ ਨਹੀ ਸਾਂ ਐਨੇ ਵੀ ਕਦੇ 

ਜਿੰਨੇ ਗਲੀਆਂ ਦੇ ਦੱਲੇ ਹੋ ਗਏ 

.

ਪੀੜਾਂ ਦੇ ਲੜ ਲਾਕੇ ਸਾਨੂੰ 

ਸਜਣ ਲੋਕਾਂ ਵੱਲੇ ਹੋ ਗਏ 

.

ਜਦ ਵੀ ਰੋਏ ਨੈਣ ਨੀ ਮਾਏਂ 

ਦੁਖ ਵੀ ਦੂਣ  ਸਵਲੇ ਹੋ ਗਏ                         

.

ਖੈਰ -ਖਬਰ ਨਾ ਆਈ ਕੋਈ 

ਮੋਏ ਕਬੂਤਰ ਘੱਲੇ ਹੋ ਗਏ 

.

ਕਿਥੇ ਸਾਂਭ ਨਿਸ਼ਾਨੀ ਰਖੀਏ

ਹਥਕੜੀਆਂ ਤਾਂ ਛਲੇ ਹੋ ਗਏ 

.

'ਮਸਤਾਨੇ -ਯਾਰਾਂ " ਬਾਝੋਂ "ਲਾਡੀ "

ਗੀਤ ਵੀ ਰੁਖ਼ੜੇ -ਝੱਲੇ ਹੋ ਗਏ